ក្រសួងបរិស្ថាន បង្កើតគម្រោងរៀបចំពិព័រណ៍សហគមន៍ ដើម្បីជួយដល់ជីវភាពប្រជាពលរដ្ឋ នៅតាមមូលដ្ឋាន ឱ្យកាន់តែប្រសើរឡើង រួមទាំងពង្រឹងកិច្ចសហប្រតិបត្តិការជាមួយគ្រប់អ្នកពាក់ព័ន្ធ ក្នុងការគ្រប់គ្រងធនធានធម្មជាតិ ការអភិរក្សជីវៈចម្រុះ វប្បធម៌ ប្រពៃណី ទំនៀមទម្លាប់ ជំនឿ សាសនា របស់បងប្អូនជនជាតិដើមភាគតិច។ 

គម្រោង “រៀបចំពិព័រណ៍សហគមន៍”  ដើម្បីធានាជីវភាពសហគមន៍ និងធនធានធម្មជាតិ ពិតជាមានសារសំខាន់ ជួយដល់ជីវភាពរបស់ប្រជាពលរដ្ឋ នៅតាមមូលដ្ឋានឱ្យកាន់តែប្រសើរថែមទៀត និងពង្រឹងកិច្ចសហប្រតិបត្តិការជាមួយគ្រប់អ្នកពាក់ព័ន្ធ ក្នុងការគ្រប់គ្រងធនធានធម្មជាតិ ការអភិរក្សជីវៈចម្រុះ វប្បធម៌ ប្រពៃណី ទំនៀមទម្លាប់ ជំនឿ សាសនា របស់បងប្អូនជនជាតិដើមភាគតិច។ កិច្ចប្រជុំក្រុមការងារគម្រោងរៀបចំ “ពិព័រណ៍សហគមន៍” នេះ បានប្រព្រឹត្តទៅកាលទី២២ ខែមេសា ក្រោមការចូលរួម ពីលោកស្រី ម៉ុម ថានី រដ្ឋលេខាធិការក្រសួងបរិស្ថាន និងមានការចូលរួមពីថ្នាក់ដឹកនាំ និងមន្ត្រីរាជការក្រសួងបរិស្ថានមួយចំនួនទៀត។

ជាមួយគ្នានោះ លោកសេង សោត អគ្គនាយករងសហគមន៍មូលដ្ឋាន បានលើកឡើងថា ពិព័រណ៍សហគមន៍នេះ ចាប់ផ្តើមដោយមានក្រុមការងាររៀបចំ និងប្រតិបត្តិគម្រោង ដោយមានកម្មវិធីការងារមួយចំនួនដូចជា ការចុះអង្កេតប្រមូលព័ត៌មានពីសហគមន៍ ការចងក្រងសក្តានុពលរបស់សហគមន៍ ការបណ្តុះបណ្តាលជំនាញវិជ្ជាជីវៈដល់សហគមន៍ និងលើកទឹកចិត្តឱ្យសហគមន៍បង្កើតស្នាដៃ មុខរបរ និងនាំយកផលិតផលសម្រាប់ព្រឹត្តិការណ៍ពិព័រណ៍ប្រចាំឆ្នាំ និងលក់ទៅកាន់ទីផ្សារ។

លោកលោក ស្រីម៉ុម ថានី បានចាត់ទុកថា គម្រោង “រៀបចំពិព័រណ៍សហគមន៍” ពិតជាមានសារសំខាន់ ជួយដល់ជីវភាពរបស់ប្រជាពលរដ្ឋនៅតាមមូលដ្ឋាន ឱ្យកាន់តែប្រសើរថែមទៀត និងពង្រឹងកិច្ចសហប្រតិបត្តិការជាមួយគ្រប់អ្នកពាក់ព័ន្ធ ក្នុងការគ្រប់គ្រងធនធានធម្មជាតិ ការអភិរក្សជីវៈចម្រុះ វប្បធម៌ ប្រពៃណី ទំនៀមទម្លាប់ ជំនឿ សាសនា របស់បងប្អូនជនជាតិដើមភាគតិច ផងដែរ ។

លោកស្រីរដ្ឋលេខាធិការក្រសួងបរិស្ថាន បានលើកទឹកចិត្តដល់ក្រុមការងាររៀបចំគម្រោង ពិនិត្យលើការកសាង និងប្រមូលព័ត៌មាន និងសហការជាមួយដៃគូរ អ្នកពាក់ព័ន្ធ ដើម្បីកសាងគម្រោង ដែលធានានិរន្តរភាពជីវភាពប្រជាពលរដ្ឋនៅតាមតំបន់ការពារធម្មជាតិ និងចូលរួមគ្រប់គ្រងធនធានធម្មជាតិឱ្យមានប្រសិទ្ធភាព។

សូមបញ្ជាក់ថា គម្រោង«ពិព័រណ៍សហគមន៍» អាចចាប់ផ្តើមនៅពាក់កណ្តាលឆ្នាំ២០២០នេះ ដែលសម្របសម្រួលដោយក្រុមការងារ ដែលមានថ្នាក់ដឹកនាំក្រសួងបរិស្ថាន ថ្នាក់ដឹកនាំនិងមន្ត្រីនៃអគ្គអគ្គនាយកដ្ឋានសហគមន៍មូលដ្ឋាន និងមន្ត្រីនៃអគ្គនាយកដ្ឋានពាក់ព័ន្ធ មួយចំនួនទៀត ដោយធ្វើសកម្ម ភាពសាកល្បងដំបូងជាមួយសហគមន៍មូលដ្ឋាន នៅតាមតំបន់ការពារធម្មជាតិចំនួន១៧ នៅក្នុងខេត្តកំពង់ធំ៕SP